ରାଉରକେଲା,(ବସନ୍ତ କୁମାର ଜେନା): ଭାରତୀୟ ବଜାରରେ ୫୦ ବର୍ଷ ଧରି ଗୁଣବତ୍ତା ଓ ପାରମ୍ପରିକତାର ପରିଚାୟ ହୋଇଥିବା ଗୃହସ୍ଥୀ ଉଦ୍ୟୋଗ ପ୍ରାଇଭେଟ୍ ଲିମିଟେଡ୍ ପକ୍ଷରୁ ଆଜି କାରଖାନା ପରିସରରେ ଗୁରୁ ପୂର୍ଣିମା ଅତ୍ୟନ୍ତ ଭବ୍ୟ ଓ ଆଧ୍ୟାତ୍ମିକ ଭାବେ ଉଦ୍ଯାପିତ ହୋଇଛି।
କାର୍ଯ୍ୟକ୍ରମର ଆରମ୍ଭ ଦରବାର ହଲରେ ଗୌମାତା, ଗୁରୁମାତା ଓ ପିତୃଗଣଙ୍କୁ ଦୀପ ପ୍ରଜ୍ୱଳନ କରି କରାଯାଇଥିଲା। ଏହି ପବିତ୍ର ଅନୁଷ୍ଠାନର ସମ୍ପାଦନା ସି.ଏମ୍.ଡି ଶ୍ରୀ ଗଣେଶ ପ୍ରସାଦ ବଗଡିଆ, ନିଦେଶିକା ଶ୍ରୀମତୀ ମଞ୍ଜୁ ଦେବୀ ବଗଡିଆ, ସି.ଇ.ଓ ଶ୍ରୀ ଅମିତ ଅଗରୱାଲ ଓ ଅକାଉଣ୍ଟ ମ୍ୟାନେଜର ଶ୍ରୀ ସୀତାରାମ ବଗଡିଆଙ୍କ ଦ୍ୱାରା କରାଯାଇଥିଲା।
ଏହି ସମସ୍ତ ଗଣମାନ୍ୟ ବ୍ୟକ୍ତିଙ୍କର ଉପସ୍ଥିତି ଓ ପ୍ରେରଣାଦାୟକ ଭାଷଣ କାର୍ଯ୍ୟକ୍ରମକୁ ବିଶେଷ ଗରିମା ପ୍ରଦାନ କରିଥିଲା। ସେମାନଙ୍କର ବାଣୀ ଗୁରୁ ପରମ୍ପରା, ସେବା ଓ କୃତଜ୍ଞତାର ମୂଲ୍ୟବୋଧକୁ ଉଦ୍ଘାଟିତ କରି ଉପସ୍ଥିତମାନେଙ୍କ ହୃଦୟକୁ ଗଭୀର ଭାବେ ସ୍ପର୍ଶ କରିଥିଲା।
ସମ୍ପୂର୍ଣ୍ଣ କାର୍ଯ୍ୟକ୍ରମଟି ସି.ଇ.ଓ ଶ୍ରୀ ଅମିତ ଅଗରୱାଲଙ୍କର କୁଶଳ ନେତୃତ୍ୱରେ ନିଷ୍ପାଦିତ ହୋଇଥିଲା। କାର୍ଯ୍ୟକ୍ରମକୁ ସଫଳ କରିବାରେ HR ମ୍ୟାନେଜର ଶ୍ରୀମତୀ ସଙ୍ଗୀତା କୁଣ୍ଡୁ, ଅଞ୍ଜଳି ସାହୁ, ପ୍ରଫୁଲ୍ଲ କୁମାର ପାତ୍ର ଓ ଟି. ପୁରୁଷୋତ୍ତମଙ୍କ ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା।
ଏହି ଉଦ୍ୟମ ଗୃହସ୍ଥୀ ପରିବାରର ସାଂସ୍କୃତିକ ସଚେତନତା ଓ ଆଧ୍ୟାତ୍ମିକ ମୂଲ୍ୟବୋଧକୁ ସ୍ପଷ୍ଟ କରେ। ସେହି ସହିତ ଏହି ପବିତ୍ର ଅନୁଷ୍ଠାନ ଗୁରୁଜନ ଓ ପିତୃଗଣଙ୍କ ପ୍ରତି ଆଭାର ପ୍ରକାଶ କରିବାର ଏକ ଅନୁକରଣୀୟ ଦୃଷ୍ଟାନ୍ତ ହିସାବରେ ପ୍ରତିଷ୍ଠିତ ହୋଇଛି।
