ରାଉରକେଲା: ରାଉରକେଲାରେ 5T ଅଧ୍ୟକ୍ଷ ତଥା ବିଜେଡି ନେତା କାର୍ତ୍ତିକ ପାଣ୍ଡିଆନଙ୍କ ବିଶାଳ ରୋଡ ଶୋ। ବାଜା ବଜାଇ ପୁଷ୍ପ ବର୍ଷା କରି 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କୁ ସ୍ଵାଗତ କରିଥିଲେ ରାଉରକେଲା ଜନତା। ହଜାର ହଜାର ସଂଖ୍ୟାରେ ଜନତା ଶୋଭାଯାତ୍ରାରେ ସମାଗମ ହୋଇଥିଲେ।
କାର୍ତ୍ତିକ ପାଣ୍ଡିଆନଙ୍କୁ ରାଉରକେଲାରେ ବିପୁଳ ସ୍ଵାଗତ ସମ୍ବର୍ଦ୍ଧନା ଦେଇଥିଲେ କର୍ମୀ, ନେତା ଓ ଜନତା। ମୁଖ୍ୟମନ୍ତ୍ରୀଙ୍କ ବିକାଶମୂଳକ ଯୋଜନାର ହିସାବ ଦେଇ ବିଜେଡି ବିଧାନସଭା ପ୍ରାର୍ଥୀ ଓ ଲୋକସଭା ପ୍ରାର୍ଥୀଙ୍କୁ ବିପୁଳ ମାତ୍ରାରେ ଭୋଟ ଦେଇ ବିଜୟୀ କରିବାକୁ ଆହ୍ଵାନ କରିଛନ୍ତି କାର୍ତ୍ତିକ ପାଣ୍ଡିଆନ।

ସେହିପରି ରାସ୍ତାରେ କାର୍ତ୍ତିକ ପାଣ୍ଡିଆନଙ୍କୁ ଦେଖିବାକୁ ଜନସମୁଦ୍ର ଏକାଠି ହୋଇଥିଲେ। 5T ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ଶୋଭାଯାତ୍ରାରେ ସାମିଲ ହୋଇଥିଲେ ଜନତା। ଶୋଭାଯାତ୍ରାରେ ଜନତାଙ୍କୁ ସମ୍ବୋଧିତ କରି ଭୋଟ ମାଗିଛନ୍ତି କାର୍ତ୍ତିକ ପାଣ୍ଡିଆନ। ଡବଲ ଶଙ୍ଖରେ ଭୋଟ ଦେଇ ପ୍ରାର୍ଥୀଙ୍କୁ ବିପୁଳ ଭୋଟ ବ୍ୟବଧାନରେ ବିଜୟୀ କରିବାକୁ ଜନତାଙ୍କୁ ଅପିଲ କରିଛନ୍ତି।