ଗଞ୍ଜାମ ଜିଲ୍ଲା କୋଟିନଡା ଥାନା ଅନ୍ତର୍ଗତ ଭେଟନଇ ଗ୍ରାମ ମୁଖ୍ୟ ରାସ୍ତାରେ ଶିବ ନାହାକ ନାମକ ଜଣେ ସୁରଥ ଫେରନ୍ତା ଯୁବକ କୁ ଛୁରୀ ଭୁଷି ହତ୍ୟା କରାଯାଇଛି। ମୃତ ଶିବ ଗତ ଦୁଇ ଦିନ ପୂର୍ବରୁ ଦଣ୍ଡ ଯାତ୍ରା ପାଇଁ ଗାଁ କୁ ଆସିଥିଲେ ଓ ଗତକାଲି ଅପରାହ୍ନରେ ଏକ ମଦ ଦୋକାନ ନିକଟରେ ଗାଁ ର ଧନୁ ମହାନ୍ତି ସହ ପାଟିତୁଣ୍ଡ ହୋଇଥିଲା। ଉତ୍ତେଜିତ ଧନୁ ଏକ ଛୁରୀ ରେ ଶିବକୁ ଭୁଷି ଘଟଣାସ୍ଥଳରୁ ଚମ୍ପଟ୍ ମାରିଥିଲା। ଗାଁ ଲୋକେ ଶିବକୁ ସ୍କୁଟି ଯୋଗେ ଆସ୍କା ଡାକ୍ତରଖାନା ନେଇ ଚିକିତ୍ସା ପାଇଁ ଭର୍ତ୍ତି କରିଥିଲେ। କିନ୍ତୁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ଆସ୍କା ଏସଡିପିଓ ସନ୍ତୋଷ କୁମାର ଜେନା ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣା ର ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ଧନୁ କୁ ଉଠାଇ ଆଣି ଥାନାରେ ଅଟକ ରଖି ପଚରାଉଚରା କରୁଛନ୍ତି ଓ ଘଟଣାସ୍ଥଳରୁ ଛୁରୀ ଜବତ କରିଛନ୍ତି।