ସବୁବେଳେ ରାଷ୍ଟ୍ରପତିଙ୍କ ପ୍ରତି ଅଶାଳୀନ ମନ୍ତବ୍ୟ ଦେଇଥିବା କଂଗ୍ରେସ ପାର୍ଟିର ମିଛ ସମବେଦନା ଶୋଭା ପାଉନାହିଁ : ମମତା ମହାନ୍ତ
ଏହା ଏକ ସମ୍ବେଦନଶୀଳ ବିଷୟ, ନିଜେ ସଂଯମତା ରଖି ଏହା ଉପରେ ଅଭିବ୍ୟକ୍ତି ରଖିବା ଦରକାର
ଏହି ଅଭାବନୀୟ ଘଟଣାରେ ରାଜ୍ୟ ସରକାର ତ୍ୱରିତ ଏବଂ କଠୋର କାର୍ଯ୍ୟାନୁଷ୍ଠାନ ନେଇଛନ୍ତି
ସରକାର ପରିବାର ଏବଂ ମେଡ଼ିକାଲ କର୍ତ୍ତୃପକ୍ଷଙ୍କ ସହ ଯୋଗାଯୋଗରେ ରହି ଚିକିତ୍ସା ବ୍ୟବସ୍ଥାର ତଦାରଖ କରୁଛନ୍ତି
ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ ଓ ରାଜ୍ୟର ମନ୍ତ୍ରୀମାନେ ପିଡିତାଙ୍କ ପରିବାରକୁ ଭେଟି ଆଲୋଚନା କରିଛନ୍ତି
ଏହି ଘଟଣାରେ ନିଲମ୍ବିତ କଲେଜ ଅଧ୍ୟକ୍ଷ ଦିଲୀପ କୁମାର ଘୋଷ ଓ ଅନ୍ୟତମ ଅଭିଯୁକ୍ତ ସମୀର ସାହୁଙ୍କୁ ଗିରଫ କରାଯାଇଛି
କଂଗ୍ରେସର ଛାମୁଆ କର୍ମକର୍ତ୍ତାମାନେ ଏହି ଝିଅର ଚରିତ୍ର ସଂହାର କରିବାକୁ ବି ପଛାଇନାହାନ୍ତି, ଯାହା ସାମାଜିକ ଗଣମାଧ୍ୟମରୁ ପ୍ରମାଣ ମିଳିଛି
ପରୀ, ପିହୁ, ମମିତା, ଇତିଶ୍ରୀ, ବେବିନା, ସସ୍ମିତା, ରୁଚିକା, ସ୍ମିତାରାଣୀ, ଅଞ୍ଜନା ଓ ମାଧବିଲତାଙ୍କ ନିର୍ଯ୍ୟାତନା ଓ ହତ୍ୟା ଆଦି ଘଟଣାକୁ ଭୁଲିଗଲା କି କଂଗ୍ରେସ ଓ ବିଜେଡି
ବିଜେ଼ଡି ଓ କଂଗ୍ରେସ ଏହି ଘଟଣାକୁ ରାଜନୈତିକ ମୋଡ୍ ଦେବା ପାଇଁ ଯେଉଁ ଉଦ୍ୟମ କରୁଛନ୍ତି, ତାହା ଦୁର୍ଭାଗ୍ୟଜନକ
ଭୁବନେଶ୍ୱର, ୧୪/୦୭/୨୦୨୫: ବାଲେଶ୍ୱରର ଫକୀର ମୋହନ ସ୍ୱୟଂ ଶାସିତ ମହାବିଦ୍ୟାଳୟରେ ଛାତ୍ରୀଙ୍କ ଆତ୍ମଦାହ ମାମଲାରେ ମହିଳା କଂଗ୍ରେସର ସଭାପତି ଅଳକା ଲମ୍ବା ଓ ଅନ୍ୟ ନେତ୍ରୀ ଦିଲ୍ଲୀରେ ପ୍ରେସମିଟ୍ କରି ଯେଉଁ କଥା କହିଛନ୍ତି ତାହା ବହୁତ ହାସ୍ୟାସ୍ପଦ । ସେ ଜଣେ ମାଆ, ଆଉ ଜଣେ ମାଆ ହୋଇ ମଧ୍ୟ ଏଭଳି କହିବା ତାଙ୍କୁ ଶୋଭା ଦେଉନାହିଁ ବୋଲି କହିଛନ୍ତି ରାଜ୍ୟସଭା ସାଂସଦ ମମତା ମହାନ୍ତ ।
ଏମ୍ସ ମେଡିକାଲ ପରିସରରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ସେ କହିଛନ୍ତି ଏହା ଏକ ସମ୍ବେଦନଶୀଳ ବିଷୟ । ସେ ଝିଅ ଏବେ ମରଣ ସହ ସଂଘର୍ଷ କରୁଛି । ବର୍ତ୍ତମାନ ଆମ ସମସ୍ତଙ୍କର ଦାୟିତ୍ୱ, ନିଜେ ସଂଯମତା ରଖି ଅଭିବ୍ୟକ୍ତି ରଖିବା ଦରକାର । ଅନ୍ୟପକ୍ଷେ ଏହି ଅଭାବନୀୟ ଘଟଣାରେ ରାଜ୍ୟ ସରକାର ତ୍ୱରିତ ଏବଂ କଠୋର କାର୍ଯ୍ୟାନୁଷ୍ଠାନ ନେଇଛନ୍ତି । ଆମ ସରକାର ପରିବାର ଏବଂ ମେଡ଼ିକାଲ କର୍ତ୍ତୃପକ୍ଷଙ୍କ ସହ ଯୋଗାଯୋଗରେ ରହି ଚିକିତ୍ସା ବ୍ୟବସ୍ଥାର ତଦାରଖ କରୁଛନ୍ତି । ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ ଓ ରାଜ୍ୟର ମନ୍ତ୍ରୀମାନେ ପିଡିତାଙ୍କ ପରିବାରକୁ ଭେଟି ଆଲୋଚନା କରିଛନ୍ତି। ଅଧିକାରୀମାନେ ମଧ୍ୟ ତଦାରଖ କରୁଛନ୍ତି ।ଏହି ଘଟଣାରେ ଦୁଇ ଜଣ ଅଭିଯୁକ୍ତଙ୍କୁ ଗିରଫ ମଧ୍ୟ କରାଯାଇଛି । ତ୍ୱରିତ କାର୍ଯ୍ୟାନୁଷ୍ଠାନ ନିଆଯାଇ ନିଲମ୍ବିତ କଲେଜ ଅଧ୍ୟକ୍ଷ ଦିଲୀପ କୁମାର ଘୋଷ ଓ ଅନ୍ୟତମ ଅଭିଯୁକ୍ତ ସମୀର ସାହୁଙ୍କୁ ଗିରଫ କରାଯାଇଛି ।
କଂଗ୍ରେସର ଚିନ୍ତାଧାରା ସବୁବେଳେ ଏସସି-ଏସଟି-ଓବିସି ବିରୋଧୀ । କଂଗ୍ରେସ ସବୁବେଳେ ରାଷ୍ଟ୍ରପତିଙ୍କ ପ୍ରତି ଅପମାନସୂଚକ ମନ୍ତବ୍ୟ ଦେଇ ହୀନ ମାନସିକତାର ପରିଚୟ ଦେଇଛି । କଂଗ୍ରେସ ଏହି ମାମଲାରେ ଓଡ଼ିଶା ସରକାରଙ୍କୁ ଯେଉଁ ସମାଲୋଚନା କରିଛନ୍ତି ତାଙ୍କୁ ବୋଧହୁଏ ମହିଳା ନିର୍ଯାତନା ନେଇ କଂଗ୍ରେସର କଳା ଇତିହାସ ସମ୍ପର୍କରେ ଜଣାନାହିଁ । କଂଗ୍ରେସର ଛାମୁଆ କର୍ମକର୍ତ୍ତାମାନେ ଏହି ଝିଅର ଚରିତ୍ର ସଂହାର କରିବାକୁ ବି ପଛାଇନାହାନ୍ତି । ନିଜ ଜୀବନ ନେବାକୁ ଉଦ୍ୟମ କରିବା ପାଇଁ ଛାତ୍ର କଂଗ୍ରେସ ନେତାମାନେ ଛାତ୍ରୀଙ୍କୁ ଉସୁକାଇ ଥିବାର ପ୍ରମାଣ ସୋସିଆଲ ମିଡିଆରେ ଆସି ସାରିଛି । ତେଣୁ କଂଗ୍ରେସ ଆଗ ନିଜର ମାନସିକତା ବଦଳାଇବା ଦରକାର ।
ବିଜେ଼ଡି ଓ କଂଗ୍ରେସ ଏହି ଘଟଣାକୁ ରାଜନୈତିକ ମୋଡ ଦେବା ପାଇଁ ଯେଉଁ ଉଦ୍ୟମ କରୁଛନ୍ତି, ତାହା ଦୁର୍ଭାଗ୍ୟଜନକ । କଂଗ୍ରେସ ଓ ବିଜେଡ଼ି ସରକାରରେ ପରୀ, ପିହୁ, ମମିତା, ଇତିଶ୍ରୀ, ବେବିନା, ସସ୍ମିତା, ରୁଚିକା, ସ୍ମିତାରାଣୀ, ଅଞ୍ଜନା, ମାଧବିଲତାଙ୍କ ହତ୍ୟା ଓ ନିର୍ଯ୍ୟାତନା ହୋଇଛି । ଏହି କଥାକୁ କଂଗ୍ରେସ ଓ ବିଜେଡ଼ି ସରକାର ଭୁଲିଗଲେ କି ବୋଲି ସେ ପ୍ରଶ୍ନ କରିଛନ୍ତି ।
