ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ :ରାଜ୍ୟ ସରକାର , କେନ୍ଦ୍ର ଆଦିବାସୀ ମନ୍ତ୍ରଣାଳୟ ସହିତ ମିଳିତ ଭାବରେ ରାଜ୍ୟ ଆଦିବାସୀ ବ୍ୟାପାର ମନ୍ତ୍ରଣାଳୟ , ପିଏମ-ଜନମନ ଏବଂ ଧରତୀ ଆବା ଜନଜାତି ଗ୍ରାମ ଉତ୍କର୍ଷ ଅଭିଯାନ (DA-JGUA) ଅଧୀନରେ ସମଗ୍ର ରାଜ୍ୟ ତଥା ଜିଲ୍ଲା ବ୍ୟାପି ସଚେତନତା-ସହ-ଆଇଇସି ଅଭିଯାନ ଏବଂ ମୌଳିକ ସୁବିଧା ଶିବିର ଆରମ୍ଭ କରୁଅଛି।
ଏହି ଅଭିଯାନ ୧୫ ଜୁନ୍ ୨୦୨୫ ରୁ ୩୦ ଜୁନ୍ ୨୦୨୫ ପର୍ଯ୍ୟନ୍ତ ଜିଲ୍ଲା ର ସାତ ଗୋଟି ବ୍ଲକ ର ୮୬ ଗୋଟି ପଞ୍ଚାୟତ ର ମୋଟ ୩୪୫ ଗୋଟି ଆଦିବାସୀ ବହୁଳ ଗ୍ରାମ ସହିତ ଆଦିମ ଜନଜାତି ବସତି ଗୁଡିକ ମଧ୍ୟରେ ପରିଚାଳିତ ହେବ।
ଏହି ପଦକ୍ଷେପର ଲକ୍ଷ୍ୟ ହେଉଛି ଆଦିବାସୀ ପରିବାର , ବିଶେଷକରି ଦୁର୍ବଳ ଜନଜାତି ଗୋଷ୍ଠୀ (PVTG) ବାସସ୍ଥାନରେ ସରକାରୀ ଯୋଜନା ଏବଂ ଅଧିକାରର ଶେଷ ମାଇଲ ପର୍ଯ୍ୟନ୍ତ ପହଞ୍ଚାଇବା ଏବଂ DA-JGUA ଅଧୀନରେ କଲ୍ୟାଣକାରୀ ପଦକ୍ଷେପ ବିଷୟରେ ସଚେତନତା ବୃଦ୍ଧି କରିବା।
ଏହି ସଚେତନତା କାର୍ଯ୍ୟକ୍ରମ ମୁଖ୍ୟ ଉଦ୍ଦେଶ୍ୟ ହେଉଛି ଯୋଗ୍ୟ ଆଦିବାସୀ ପରିବାରଗୁଡ଼ିକୁ ଆବଶ୍ୟକୀୟ ଡକ୍ୟୁମେଣ୍ଟ ଏବଂ ସୁବିଧାର ଦ୍ୱାରସ୍ଥ ବିତରଣ , IEC (ସୂଚନା , ଶିକ୍ଷା , ଯୋଗାଯୋଗ) କାର୍ଯ୍ୟକଳାପ ମାଧ୍ୟମରେ ସମ୍ପ୍ରଦାୟ ଏକତ୍ରୀକରଣ ଏବଂ ସମ୍ପୃକ୍ତି , ପ୍ରଭାବିତ ଆଦିବାସୀ ସମ୍ପ୍ରଦାୟ ପାଇଁ ସିକଲ୍ ସେଲ୍ ରୋଗ (SCD) ସ୍କ୍ରିନିଂ ଏବଂ ସ୍ୱାସ୍ଥ୍ୟସେବା ହସ୍ତକ୍ଷେପ , ସଚେତନତା ପ୍ରସାର ଏବଂ ଯୋଜନା କାର୍ଯ୍ୟକାରୀତାକୁ ସହଜ କରିବା ପାଇଁ ଆଦିବାସୀ ଯୁବକମାନଙ୍କୁ "ଡିଜିଟାଲ୍ ଯୋଦ୍ଧା" ଭାବରେ ସଶକ୍ତିକରଣ , ସାମଗ୍ର ଜନଜାତି ବିକାଶ ପାଇଁ ୧୭ ଟି କେନ୍ଦ୍ର ମନ୍ତ୍ରଣାଳୟରୁ କଲ୍ୟାଣକାରୀ କାର୍ଯ୍ୟକ୍ରମର ଏକତ୍ରୀକରଣ।
ଏହି ଅଭିଯାନ ମାଧ୍ୟମରେ ଯୋଗ୍ୟ ଆଦିବାସୀ ସମ୍ପ୍ରଦାୟ ହିତାଧିକାରୀମାନଙ୍କୁ ଚିହ୍ନଟ କରି ୧୦୦ % ସରକାରୀ ସୁବିଧା ସୁନିଶ୍ଚିତ କରେଇବା। ଗ୍ରାମସଭା , ଗ୍ରାମସ୍ତରୀୟ କମିଟିଏବଂ ସ୍ଥାନୀୟ ଅଂଶଗ୍ରହଣକୁ କ୍ରିୟାଶୀଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ ।