ମୟୂରଭଞ୍ଜ : ମୟୂରଭଞ୍ଜ ଜିଲ୍ଲାପାଳଙ୍କ ଫେସବୁକ୍ ହ୍ୟାଣ୍ଡଲ୍କୁ ଅଜଣା ଲୋକେ ହ୍ୟାକ୍ କରିଛନ୍ତି । ଏହି ହ୍ୟାକ୍ ହୋଇଥିବା ପୃଷ୍ଠାରୁ ସାଧାରଣ ଲୋକଙ୍କୁ ଟଙ୍କା ଦାବି କରାଯାଉଛି ।
ଜିଲ୍ଲା ପ୍ରଶାସନ ସ୍ପଷ୍ଟ କରିଛନ୍ତି ଯେ, ପ୍ରଶାସନ କିମ୍ବା କୌଣସି ଅଧିକାରୀଙ୍କ ପକ୍ଷରୁ କେବେବି ଏପରି ଅନୁରୋଧ ହୋଇନି । ଜନସାଧାରଣଙ୍କୁ ଅନୁରୋଧ – ଏହି ପୃଷ୍ଠାରୁ ଯାଇଥିବା ମେସେଜ୍ରେ କୌଣସି ପ୍ରତିକ୍ରିୟା ଦିଅନ୍ତୁ ନାହିଁ କିମ୍ବା ଟଙ୍କା ପଠାନ୍ତୁ ନାହିଁ ।
ପ୍ରଶାସନ ଏହି ହ୍ୟାକିଂ ବିଷୟରେ ପ୍ରୟୋଜନୀୟ କାର୍ଯ୍ୟାନୁଷ୍ଠାନ ଆରମ୍ଭ କରିଛି ଏବଂ ସାଇବର୍ ସେଲ୍କୁ ମଧ୍ୟ ଅବଗତ କରାଯାଇଛି ।
ସାଧାରଣଙ୍କୁ ଅନୁରୋଧ – କେବଳ ଅଧିକାରୀଙ୍କ ସରକାରୀ ୱେବସାଇଟ୍ କିମ୍ବା ପ୍ରେସ ବିଜ୍ଞପ୍ତିକୁ ବିଶ୍ୱାସ କରନ୍ତୁ । ସନ୍ଦେହଜନକ ମେସେଜ୍ ଦେଖିଲେ, ତାହାକୁ ତତ୍କ୍ଷଣାତ୍ ପ୍ରଶାସନଙ୍କୁ ସୂଚନା ଦିଅନ୍ତୁ ।
ପ୍ରଶାସନର ବିଶେଷ ଅନୁରୋଧ: OTP, ବ୍ୟାଙ୍କ ବିବରଣୀ କିମ୍ବା ବ୍ୟକ୍ତିଗତ ସୂଚନା କୌଣସି ପରିସ୍ଥିତିରେ ଏହି ହ୍ୟାକ୍ ହୋଇଥିବା ପୃଷ୍ଠାକୁ ଦିଅନ୍ତୁ ନାହିଁ।
