ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଦୁଇ ଦିନ ଧରି ଭଦ୍ରକ ସ୍ଥିତ ବିଜୁ ପଟ୍ଟନାୟକ ବହୁମୂଖୀ ଇନଡୋର ଷ୍ଟାଡିୟମ ଠାରେ ରାଜ୍ଯ ସ୍ତରୀୟ ଅସ୍ମିତା ତାଇକୋନ୍‌ଡୁ ଲିଗ୍ ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି । ଏହି ଡାଇକୋନ୍ତୁ ପ୍ରତିଯୋଗିତା କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ ଓଡ଼ିଶା ତାଇକୋନଡୁ ଏସୋସିଏସନ ଦ୍ବାରା ଆୟୋଜନ କରଯାଇଥିଲା। ଏଥିରେ ଓଡିଶାରୁ ସମୁଦାୟ ପ୍ରାୟ ୨୫୦ ବାଳିକା ଖେଳାଳୀ ଅଂଶଗ୍ରହଣ କରିଥିଲେ।
ଗଜପତି ଜିଲ୍ଲା ର ଜିଲ୍ଲା ଟାଇକୋନ୍‌ଡୁ ଅନୁଷ୍ଠାନରୁ ମୋଟ ୪ ଜଣ ପ୍ରତିଯୋଗୀ (ବାଳିକା) ଅଂଶଗ୍ରହଣ କରିଥିଲେ । ଏହି ପ୍ରତିଯୋଗିତା ମୁଖ୍ଯତଃ ଦୁଇଟି ବିଭାଗରେ ହୋଇଥିଲା। କ୍ଯୋରୁଗି ଓ ପୁମସେ।
ଏହି ପ୍ରତିଯୋଗିତାରେ ଜିଲ୍ଲା ଟାଇକୋନ୍‌ଡୁ ଅନୁଷ୍ଠାନର ବର୍ଷିତା ଦାସ - ସ୍ବର୍ଣ୍ଣ (କ୍ଯୋରୁଗି), କାଂସ୍ଯ (ପୁମସେ) , ପି. ସାଇସ୍ମିତା - ରୌପ୍ଯ (କ୍ଯୋରୁଗି) , ଅନୁଷ୍କା ଅନହିତା ସାହୁ - ରୌପ୍ଯ (କ୍ଯୋରୁଗି) ପଦକ ଆଣି ଗଜପତି ଜିଲ୍ଲା ପାଇଁ ଗୌରବ ଆଣିଛନ୍ତି ବୋଲି ଜିଲ୍ଲା ତାଇକୋନଡୁ ଏକାଡେମୀ ସମ୍ପାଦକ କାର୍ତ୍ତିକ ଚନ୍ଦ୍ର ମହାପାତ୍ର ଗଣମାଧ୍ୟମ କୁ ଲିଖିତ ସୂଚନା ପ୍ରଦାନ କରିଛନ୍ତି।