• - ଏହି ଶିଳ୍ପ ଲକ୍ଷ ଲକ୍ଷ ନିଯୁକ୍ତି ସୃଷ୍ଟି କରିବ: ମୁକେଶ ଅମ୍ବାନୀ

• - ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ ଭାରତ ଏକ ଅଗ୍ରଣୀ ଡିଜିଟାଲ୍ ରାଷ୍ଟ୍ର ହୋଇପାରିଛି - ମୁକେଶ ଅମ୍ବାନୀ

• - ମୁକେଶ ଅମ୍ବାନୀ ପହଲଗାମ ଆତଙ୍କବାଦୀ ଆକ୍ରମଣକୁ ନିନ୍ଦା କରିଛନ୍ତି ଏବଂ କହିଛନ୍ତି ଯେ ଦେଶ ପ୍ରଧାନମନ୍ତ୍ରୀଙ୍କ ସହିତ ରହିଛି

ମୁମ୍ବାଇ, ୦୧ ମଇ, ୨୦୨୫: ଭାରତୀୟ ମିଡିଆ ଏବଂ ମନୋରଞ୍ଜନ ଶିଳ୍ପ ଆଗାମୀ ଦଶନ୍ଧି ସୁଦ୍ଧା ଚାରି ଗୁଣ ଅଭିବୃଦ୍ଧି ହାର ହାସଲ କରିପାରିବ ବୋଲି ରିଲାଏନ୍ସ ଅଧ୍ୟକ୍ଷ ମୁକେଶ ଅମ୍ବାନୀ ଆଶା ପ୍ରକଟ କରିଛନ୍ତି। ଏହାର ଅର୍ଥ ହେଉଛି ଏହା ୧୦୦ ବିଲିୟନ ଡଲାରରୁ ଅଧିକରେ ପହଞ୍ଚିପାରେ। ବର୍ତ୍ତମାନ, ଏହି ବଜାରର ମୂଲ୍ୟ ପ୍ରାୟ ୨୮ ବିଲିୟନ ଡଲାର ରହିଛି। ମୁକେଶ ଅମ୍ବାନୀ ମୁମ୍ବାଇର ଜିଓ ୱାର୍ଲ୍ଡ କନଭେନସନ ସେଣ୍ଟରରେ ଆୟୋଜିତ ୱାର୍ଲ୍ଡ ଅଡିଓ ଭିଜୁଆଲ୍ ଆଣ୍ଡ ଏଣ୍ଟରଟେନମେଣ୍ଟ ସମିଟ୍ (WAVES) ୨୦୨୫ ରେ ସେ ଏହା କହିଛନ୍ତି।

ପ୍ରଧାନମନ୍ତ୍ରୀ ମୋଦୀଙ୍କ ପ୍ରଶଂସା କରି ସେ କହିଛନ୍ତି ଯେ ମୋଦୀଜୀଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ ଭାରତ ଏକ ଅଗ୍ରଣୀ ଡିଜିଟାଲ୍ ରାଷ୍ଟ୍ର ହୋଇପାରିଛି। କାହାଣୀ କହିବାର କଳା ଏବଂ ଡିଜିଟାଲ୍ ପ୍ରଯୁକ୍ତିର ମିଶ୍ରଣ ଭାରତର ମନୋରଞ୍ଜନ ଏବଂ ସାଂସ୍କୃତିକ ପ୍ରଭାବ ଏବଂ ପହଞ୍ଚକୁ ବିସ୍ତାର କରିଛି। ଏଆଇର ଉପକରଣ ଏବଂ ଇମର୍ସିଭ୍ ପ୍ରଯୁକ୍ତିବିଦ୍ୟା ଆମର କାହାଣୀଗୁଡ଼ିକୁ ପୂର୍ବ ଅପେକ୍ଷା ଅଧିକ ଆକର୍ଷଣୀୟ କରିପାରିବ - ଏବଂ ତୁରନ୍ତ ବିଭିନ୍ନ ଭାଷା, ଦେଶ ଏବଂ ସଂସ୍କୃତିର ଦର୍ଶକଙ୍କ ପାଖରେ ପହଞ୍ଚିପାରିବ। ମୁଁ ନିଶ୍ଚିତ ଯେ ଭାରତର ଅତ୍ୟନ୍ତ ପ୍ରତିଭାଶାଳୀ ଯୁବପିଢ଼ି ବିଶ୍ୱ ମନୋରଞ୍ଜନ ଶିଳ୍ପରେ ଆଧିପତ୍ୟ ବିସ୍ତାର କରିବେ।”

ପହଲଗାମରେ ହୋଇଥିବା ବର୍ବର ଆତଙ୍କବାଦୀ ଆକ୍ରମଣକୁ କୁ ନେଇ ମୁକେଶ ଅମ୍ବାନୀ କହିଛନ୍ତି, "ଆମେ ସମସ୍ତ ପୀଡିତଙ୍କ ପରିବାର ପ୍ରତି ଆମର ଗଭୀର ସମବେଦନା ଜଣାଉଛୁ। କଠିନ ପରିସ୍ଥିତିରେ ମଧ୍ୟ ପ୍ରଧାନମନ୍ତ୍ରୀଙ୍କ ଏଠାକୁ ଗସ୍ତ ଏକ ଦୃଢ଼ ବାର୍ତ୍ତା ଦେଉଛି। ମୋଦୀଜୀ, ଶାନ୍ତି, ନ୍ୟାୟ ଏବଂ ମାନବତାର ଶତ୍ରୁଙ୍କ ବିରୁଦ୍ଧରେ ଏହି ଲଢ଼େଇରେ ଆପଣଙ୍କୁ ୧୪୫ କୋଟି ଭାରତୀୟଙ୍କର ପୂର୍ଣ୍ଣ ସମର୍ଥନ ରହିଛି। ଭାରତର ବିଜୟ ମଧ୍ୟ ନିଶ୍ଚିତ।"

ସେ ଆହୁରି ମଧ୍ୟ କହିଛନ୍ତି, "ୱେଭ୍ସ ନବସୃଜନ, ସଂସ୍କୃତି ଏବଂ ସହଯୋଗର ଏକ ବିଶ୍ୱବ୍ୟାପୀ କେନ୍ଦ୍ର ହେବାକୁ ଯାଉଛି। ଆମର ୫,୦୦୦ ବର୍ଷରୁ ଅଧିକ ପୁରୁଣା ସଭ୍ୟତାଗତ ଐତିହ୍ୟରେ, ଆମ ପାଖରେ କାଳଜୟୀ କାହାଣୀର ଏକ ବିଶାଳ ଭଣ୍ଡାର ଅଛି - ରାମାୟଣ ଏବଂ ମହାଭାରତରୁ ଆରମ୍ଭ କରି ଡଜନ ଡଜନ ଭାଷାରେ ଲୋକକଥା ଏବଂ ଶାସ୍ତ୍ରୀୟ କାହାଣୀ ପର‌୍ୟ୍ୟନ୍ତ। ଏଗୁଡ଼ିକ ବିଶ୍ୱର ଲୋକଙ୍କ ହୃଦୟକୁ ସ୍ପର୍ଶ କରେ କାରଣ ଏଗୁଡ଼ିକ ମାନବୀୟ ମୂଲ୍ୟବୋଧ, ଭାଇଚାରା, କରୁଣା, ସାହସ, ପ୍ରେମ ଏବଂ ସୌନ୍ଦର‌୍ୟ୍ୟକୁ ମୂର୍ତ୍ତିମନ୍ତ କରିଥାଏ। କୌଣସି ଦେଶ ଭାରତର କାହାଣୀ କହିବା ଶକ୍ତି ସହିତ ନିଜର ତୁଳନା କରିପାରିବ ନାହିଁ।"